bakit kailangan nating magkakilala?

Bakit kailangan nating mag kakilala

Sa panahong hindi pa dapat tayo makakilala ng iba,

Kasi kinikilala pa natin yung nawawala nating sarili?

At sabihin man nila na “hindi naman nawawala ang saril”

E minsan parang may kulang

At wala kang ibang makitang solusyon

Kundi ang lumabas at hanapin to

 

Minsan may kasamang iba

Pero madalas mas okay pa na mag isa

Kasi mas nakakapag isip tayo

Mas nararamdaman natin yung katahimikan,

Yung pag iisa na minsan nating kinatakutan

Pero sa mga  panahong ganito,

Okay lang kasi minsan

Masayang mag isa lalo na kung

Nasasaktan ka lang pag may kasama kang iba

 

Na totoo pala yung kanta ni Yeng na may linyang

“Ayoko na munang makasama ka”

Yung satin nga lang e

Ayoko na munang may kasamang iba

“Na ako nalang muna”

Para makabawi man lang sa lahat ng nawala

Na dala ng pagkawala ng nakaraang sinta

 

Diba ang sarap naman talaga mag isa

Hindi naman mawawala o mauubos ang

Isda sa karagatan kagaya ng sabi nila

Kaya bakit tayo mag mamadali diba?

Pero parang may kakaiba e

Hindi ko naman to gusto

At alam kong hindi mo rin to gusto

Kasi sa tuwing bumabanat ako

Ang sinasabi mo lagi sa akin “wag ako”

 

Umaamin ako na minsan nang bobola lang ako

Pero bakit sa tuwing kinikilig ka sa pambobolang yon

Parang mas kinikilig ako

Na parang totoong totoo

Na parang ako pa ata yung binobola mo

Sa tawa mo

Sa mahahabang kwento mo

Sa paghahanap mo saakin pag wala ako

 

Alam ko na sa tingin mo nagpapatawa lang ulit ako

Pero yung pakiramdam na

Yung parang minsang tayo

Kaso walang tayo

Kasi bawal

Kasi wag muna ngayon

Kasi nga diba dapat,

“Dapat di kita nakilala ngayon”

O di mo ko nakilala ngayon

Kasi nasisira yung plano e

Yung plano na

Wala muna sanang magulo

Kasi magulong magulo na yung mundo

Tapos mas mang gugulo pa yung salitang “tayo”

 

Kaya sige magtaguan na lang muna tayo ng nararamdaman

O ako nalang muna yung magtatago

Tutal parang seryoso ka naman talaga sa sinabi mo na

Wag ikaw

Kaya mag aantay nalang ako

Tutal alam ko naman talaga sa sarili ko na mag aantay ako

Hanggang sa sabihin mong

 

“Ako naman”

Eto na ko buong buo

Kumpleto

Handa na ulit mag mahal

At handa na ulit magpawasak basta handa ka na rin ayusin ako

Kung sakali man na hilingin ko sayo

 

At wala man kasiguraduhan na ako yung hinahanap mo

Susugal pa rin ako

At itataya ko ang lahat lahat kasi,

Kasi ikaw yung sugal kung saan handang handa akong paulit ulit na matalo

 

Ikaw yung sugal

At ako,

Kahit isang beses lang sana manalo.

Advertisements

Para sa aking mahal

Para sa una kong mahal, Segunda Katigbak
Naalala mo pa ba kung papaano ako
Nag nanakaw ng tingin sayo sinta?

Kung papaano ako parang pusang naiiihi
Na pabalik balik mula sala papunta sa kusina
Sa tuwing naiisip kita
Madalas pa nga akong pinagtatawanan ng mga kapatid ko noon
Pero wala akong pakialam dahil sa edad na disisyete
Sa tingin ko mahal na kita

Alam mo pilitin ko mang mas ibigin ka pa
Di ko rin nagawa pagkat ang puso moy hawak na ng iba

Mahal kong Orang
Marahil nasa iyo pa ang aking liham
Na mababasa sa pagkagat ng dilim
Gamit ang liwanag ng lampara
Maniwala ka sana
Na ang lahat ng letra at salita na nakasaad ay totoo
Na may puwang ka sa puso kong pinatigas ng pagkakalayo

O aking Leonor Rivera
Sa labing isang taon nating pagmamahalan
At pagpapalitan ng sumpaan na hinadlangan ng iyong butihing ina
Nais kong malaman mong walang isang gabi sa Europa ang lumipas
Na hindi ko ninais uwian ang lambot ng iyong mga labi
At kung papaano kita iginagapos sa yakap ng aking pagibig

Malungkot man na akoy iyong nakalimutan
Napiling sa iba ay sumama at lumisan
Gusto kong malaman mong wala akong pinagsisisihan
Sapagkat ang makilala ka o “Maria Clara” sa akin ay isang karangalan

Iniirog kong Consuelo Ortiga Y Reyes
Patawad kung napangunahan ako ng takot
Na muling umibig
Marahil hindi pa ako handang muling ialay
Ang aking pusong pagod na sa paulit ulit na latay
Ng lungkot at pighati ng posibilidad na pagkawalay

Patawad at salamat, sa pag hihintay hangang sa mag umaga
Noong unang beses tayong nagkasama
Hindi ko malilimot ang misteryo ng iyong pagkatao
At kung papaanong akoy muntik ng mahulog sa kadahilanang ito

O giliw ko, O Sei-San
Sa aking pag lisan sa bansang minahal at natutunan
Iuuwi ko ang isang bagay na di matutuklasan ng sino man
Ang magmahal ng totoo sa kabila ng magkaibang kinalakihan
At ang umuwi ng sa iyo ang “akoy” iiwanan

Aking sinta, Gertrude Beckett
Patawad mula sa mga sulat na hindi mo natangap
Sa mga pangakong hindi ko natupad
At sa pagibig na iyong inasahan na hindi ko na rin maiaalay

O aking Suzanne Jacoby
Ikaw ang bumuhay muli ng apoy sa dibdib kong nilamon
Ng kadiliman at sakit ng kahapon
Sa iyong yakap at halik
sa bawat tagong lugar na ating tinangkilik
mahal ko akoy iyong ibinalik
muli sa mundo kung saan ang unang titik
sa baybayin ay ang salitang pag ibig

Minamahal kong Nellie Boustead
Isa ka sa patunay kung gaano ko kayang ibuwis ang aking buhay
At kung papaano na sa larangan ng pagibig ay walang magkaibigan
Magkadugo man o mag kababayan

Aking pinakamamahal, Josephine Bracken
Saksi ang diyos sa kung papaano tayo ay naging isa
Hindi man hinayaan ng simbahan
Na tayo ay mag sumpaan
Nais kong malaman mong ikaw ang aking
Pinakamamahal, aking asawa
Masakit man na tayoy maagang naiwan ng ating
Munting Francisco
Alam ng buong mundo kung papaanong akoy nag luksa
Mula sa librong inialay ko sa iyo
Ikaw ang pinakamamahal ko at iuukit kita sa aking puso
Ang iyong ganda sa umaga at gabi ay aking ipipinta
At paulit ulit na ipipinta dahil kulang ang lahat ng kulay sa mundo
Para umabot man lang sa halina ng pagmamahal mo

O aking Pilipinas tadhana ang nagdala sa akin sa iyo
Sa pag ikot sa mundo nais kong malaman mo
Na wala akong ibang lupang hahalikan kung hindi ang sa iyo
Alam kong hindi sapat, ilang libong libro man ang aking isulat
Para magising ang mga anak mo at maibigay ang kalayaan mo
Kayat hayaan mong ibigay ko sa iyo ang pinakahuling bagay na maibibgay ko

Ikaw ang una at huli
Ang unang nakakita ng pag patak ng aking mga luha
At ang huling makakakita sa pinaka huling patak ng dugo ko sa lupa

Mahal na mahal kita
At wala na akong mamahalin pang iba
Adios, patria adorada

image

last night

*Hey what happened to you last night?
I called you like a million times
You could’ve at least answered it
Or send me a text if you’re busy or something
We’ve been together for over a year now
You should already know what makes me go mad

“Yeah I’m sorry baby I got so drunk and there’s this thing that happened”

*Are you cheating on me?

“Absolutely not baby I would never do that I swear!”
“Just chill babe”

*So tell me what happen then!

“Well I got drunk”

*You already told me that! Quit messin just go with your damn excuse

“babe just chill okay im tryng to remember it was all a blur to me,
But I remember that I got up around 2:40 am because I need to pee
So I went upstairs to do so
I was really drunk so I was like crawling
And while at it
I counted the steps as I have been doing all my life when going up stairs
1, 2, 3, 4, 5, 6, 7, 8, 9, 10, 11, 12,
But on the 13th step somebody counted for me
13!
The weird thing is that it sounded like me
But angrier
So I look up to see who it was
Slowly
A glance from his shoes made me realize who
It was me
Wearing
The same shorts
Shirt
But his face was different
He doesn’t have eyes and he was smiling at me
And it startled me so I was thrown back
Luckily I still got the strength to hold onto the handrails
I looked back at him and his smile widens
So wide it tore his cheeks from left to right ear
Then he jumped on me with a knife
While hysterically laughing
We fell down on the floor
And the impact made him drop the knife
We hustle to get to it
But luckily I got it first
I was so afraid I closed my eyes and slashed him
Then there was silence
I assumed it was all over so I opened my eyes and I saw him
On the floor
His belly where cut open and his guts came oozing out of it
There were worms inside of him
I closed my eyes again
Started to pray
Then as soon as im done
I opened my eyes
And he was gone
I went back to bed
With a heavy head
And woke up
Then here we are”

*Do you honestly think I’ll believe yo God damn excuse?
She said

“But baby?”

*You need to think of a better lie

I laughed
Then I flipped and choked her with one hand
Can you believe that?
One fucking hand
I pulled out my knife
That I used to kill this boy last night
And stabbed her
Multiple times

Police officer:
Hold on son, hold on!
Are you saying you killed another person?
“yes”
It was me

bagong taon

Habang papalapit na ang pasko papalapit na rin ang bagong taon

Kaya naalala ko bigla yung ginawa nating new years resolution

Isang ipit na ipit na papel na itinago ko sa ilalim ng aparador

Na hindi ko inakalang maalala ko pa

Dahil yung mga nakaraan di ko na din alam kung saan na napunta

 

Pag buklat ko sa nakatuping papel

Ay para ko na ring binuklat yung nakaraan natin

Yung araw kung saan magkatabi tayong nag sulat

Ng mga bagay na gusto nating baguhin

Ng mga bagay na gusto nating makuha

At ng mga bagay nag gusto nating panatilihin

 

“Tig sampo” ang sabi mo saaken

“Walo para sa gusto mong isulat

at dalawa para sa gusto ko na isulat mo”

 

naalala ko pa noon ang nakangiting pag sagot ko ng oo

halos tanda ko pa nga ang ganda ng suot mo

pulang bistida na may polka dots na bagay na bagay sayo

tinatawanan pa nga kita pero sabi mo

swerte ang polka dots sa unang araw ng bagong taon

 

kaya tumawa nalang ako at sa pagsusulat ay dumeretso

 

Pang una

kakain ako ng madami para kahit papaano naman manaba na ako

pangalawa

gigising ako ng maaga para di na malate sa skwela

pangatlo

di na ko maninigarilyo

pang apat

hinding hindi na ko mag dodota

pang lima

iiwasan ko na ang pag mumura

pang anim

mas mamahalin pa kita

pang pito

mag iipon ako para sa bahay na gusto mo

pang walo

mag iinom nalang ako sa tuwing may okasyon

at ang pang siyam at pang sampo na gusto mo na isinulat ko

ay ang ubusin ang lahat ng tigyawat sa muka

at ang hindi na kailan man magmamahal pa ng iba

 

nagulat ako na sa sampong bagay na isinulat ko

ang nagawa ko lang ay ang pang anim at pang sampo

ekis lahat at nakakahiya man

pwede ko pa naman silang idagdag sa mga susunod na taon

tapos na ko kaya binaligtad ko ang papel para makita naman yung sinulat mo

 

pang una

gigising ng maaga para di na rin malate sa skwela

pangalawa

sisimulan nang mag diyeta para kahit papaano ay sumeksi ka

pangatlo

mag sisimula ng mag ipon para makapunta ng ibat ibang bansa

pang apat

mas mag papaganda pa

pang lima

pipiliting makatapos ng may mataas na marka

pang anim

ang nakasulat “mas mamahalin pa kita”

pang pito

aaralin ang kamaynilaan at pasikot sikot nito

pang walo

iingatan ang kalusugan mo

at ang pang siyam at pang sampo na gusto ko na isinulat mo

ay ang pag tupad sa mga pangarap mo

at ang huli ay ang pagtupad sa pangako na mas mamahalin mo pa ako

 

nagulat ako na sa sampong bagay na isinulat mo

nagawa mo lahat bukod sa pang anim at pangsampo

na inakala kong matutupad mo

 

pero maling mali pala ako

 

tiniklop ko ang lumang papel at ibinalik sa ilalim ng aparador

umaasa na balang araw babalik ka at tutuparin mo ng kumpleto

ang newyears resolution na isinulat natin ng taong dalawang libo at sampo

 

 

 

They say

They say move on
life goes on even without you

You know what
It does

But it aint living no more
Its more like surviving

And it doesn’t matter how busy I try to be because as soon as my day end and im all alone in bed

I think about you
and that If you ever think about me too

And If I sleep tonight I dont want to wake up unless I wake up next to you

You see life will go on

But life is “just life” without you

Nakalimutan na kita

Nanaginip ako kagabi
Di ko sinasadya pero pumasok ka sa isip ko
Inisip ko buong maghapon kung bakit
Tapos naalala ko na isang taon na pala

Isang taon pala na kong mag isa
Isang taon na pala nung nagpasya ka
Na tapusin ang lahat kahit wala ka namang iba
Naisip ko na madamot ako
Noon Kasi hindi kita hinabol kahit alam kong gusto mo

Pero grabe isang taon na pala
At hindi ko inakala
Na ang isang araw na wala ka
Ay makakayanan ko pala

Kahit minsan muka akong tanga
Kasi isang araw nanuod kami ng sine nila ate
Hindi ko alam kung ano yung nakakatawa
Yung kalokohan bang ginagawa nung bida
O yung sabay sabay nila ate na pagtawa
Tas ako lang yung nakatanga

Kasi alam ko na kahit anung mangyare nasa isip kita
Para nga makalimot ilang bote ng alak ang aking itinumba
Pero Ikaw parin yung hinahanap hanap kong yelo sa umaga
Ikaw parin yung nawawala kong tono sa pyesa sa gitara

Ikaw parin yung liwanag ko sa gabi
yung magsasabi ng mahal kita
Gamit ang matapat mong mga mata
Yung yayakap sakin sa pagtulog sa gabi
Na humihigpit kahit sa reklamo ko na mainit na
Sabay sambit ng sana ganito nalanag tayo kasi masaya
Hindi perpekto hindi ko kaylangan ng perpekto kasi ikaw lang ay sapat na

Nakalimot na ko
Nakalimot na ko
Masasabi ko yon kasi kaya ko ng kumain mag isa
Kasi binasag ko na lahat ng pingan para di na ko magmukang tanga
Kasi noon kahit wala ka na pinaghahayin pa rin kita
Yung pingan kubyertos at baso laging dalawa
Dalwa din lagi yung kape sa umaga kasi baka maparaan ka
Pero kahit kelan hindi na kita nakita

Nakalimot na ko
Pero Tandang tanda ko pa nung huli tayong magkasama
Nagtatawanan tayo pero halatang hindi ka masaya
Mabilis mag init yung ulo mo kahit wala akong nagawang masama
Tapos pag tintanung kita kung ano sasabihin mo lang wala

Pero nakalimot na talaga ko
Masasabi ko yon
Kasi di ko na ulit binasa yung mga liham mo
Sinunog ko sila pero pilit kong inipon yung abo
Tumulo yung luha ko at di ko alam kung sa init ba to ng mga kamay ko
O dahil sa reyalidad na wala na yung patunay na sumaya ka sa piling ko?

Nung isang gabi nanaginip ako
Na kinasal ka na daw at akoy tuluyan ng nabigo
Gumising ako ng humahangos at hinahapo
Dahil naniwala ako kahit panaginip lang at di naman totoo

Kayat sino nga ba yung niloko ko
Kasi sa totoo lang ang nakalimutan ko lang eh yung kalimutan ka
Nakalimutan ko na kalimutan ka
Nakalimutan ko na makalimutan ka

Tandang tanda ko pa yung ngiti mo saken nung una tayong magkita
Yung tikwas ng buhok mo pag pasok mo sa room sa skwela
Yung mata mo na mapungay sa umaga kasi inaantok ka pa
At yung unang beses na napatawa kita

Yung tastas sa likod ng uniform mo kasi tumataba ka na
Yung mga iginuhit ko na komiks sa klase para pagkatapos
Sa skwela kahit pagod eh mapapatawa pa din kita
Lalong Tandang tanda ko pa at di ko na ata makakalimutan pa
Yung unang halik na binigay ko sayo
At yung unang gabi na magkasama tayo
Gusto kong malaman mo
na sa layo ng butuin sa langit ay di ko inakala
Na mabibigyan ako ng pagkakataon na Maabot ko yung isa
Na mahahawakan mayakap at mahahalikan ko pa
na mabibigyan ako ng prebilehiyo na mahalin mo at mahalin kita

Kaya kung nakikinig ka
O isang araw may magpapansin sayo
Kuhitin ka at iparinig to
Sana maramdaman mo na sa loob ng isang taon
Sa bawat araw na meron ang isang taon
Sa bawat oras ng araw ng isang taon
Sa bawat minuto sa loob ng isang oras sa isang araw sa isang taon
Sa bawat segundo na meron ang isang menuto sa loob ng isang oras sa buong araw sa isang taon
Ay hindi ka nawala sa isip ko
Na di ka dumapo sa panaginip ko
Na di mo ko ginsing sa katotohanan na nag iisa napala ako
Pero bago ko tapusin to
May gusto lang akong itanong sayo
Kasi handa naman akong maghintay eh
Pero may hinihintay pa ba ko?

Pakiusap wag mo nalang sagutin
Mag hihintay nalang ako. . .

————————————–